काठमाडौं । पोखरा महानगरपालिकाको प्रमुख छान्न नेकपा (एमाले)ले चुनावी प्रक्रिया नअपनाउने भएको छ ।

यसअघि नगर कमिटीले आजका लागि तय गरेको आन्तरिक निर्वाचन नहुने भएको हो ।

पोखरा महानगरमा तोकिएकोभन्दा धेरै आकांक्षी देखिएका थिए । यससँगै महानगर प्रमुख र उपप्रमुख छनोट गर्न मतदानबाटै उम्मेदवार छान्ने प्रक्रिया सुरु गरिएको थियो ।

तर, आवेदन दिएका सबै उम्मेदवारलाई सिफारिस गर्ने सहमति भएपछि अहिलेलाई चुनावी प्रक्रिया स्थगित गरिएको महागर कमिटी अध्यक्ष दिलिप न्यौपानेले बताए ।

पार्टी उप–महासचिव पृथ्वीसुब्बा गुरुङ, सचिव पद्यमा अर्याल र संगठन विभाग प्रमुख खगराज अधिकारी पक्षका १२ जना नेताहरूले उम्मेदवारीमा आकांक्षा देखाएपछि सर्वसम्मत उम्मेदवार छनोट हुन नसकेको हो ।

पोखरा महानगरमा एमालेले सर्वसम्मत उम्मेदवार छान्न नसकेपछि चुनाव हुँदै