काठमाडौं । निर्वाचन आयोगले एमालेबाट काठमाडौं महानगरपालिकाका मेयर पदमा उम्मेदवारी दिएका केशव स्थापितलाई स्पष्टीकरण सोधेको छ । आयोगले उनलाई २४ घण्टे स्पष्टीकरण सोधेको हो ।

एक कार्यक्रममा स्थापितले व्यक्त गरेका शब्दबारे आयोगमा उजुरी आएकाले सोबारे २४ घण्टाभित्र स्पष्टीकरण सोधिएको आयोगले जनाएको छ ।

यही वैशाख १५ गते काठमाडौंको एक कलेजको कार्यक्रममा एक महिलाले स्थापितलाई उनीविरुद्ध लागेको यौन दुर्व्यवहारबारे प्रश्न सोधेकी थिइन् ।

भावना राउतले सोधेको प्रश्नको जवाफ दिने क्रममा उनी आक्रोसित बनेका थिए ।

सो क्रममा उनले ‘यु आर नाइस लेडी तर थुतुनो ठीक छैन’ भनेका थिए । यही विषयमा उजुरी परेपछि आयोगले स्थापितलाई स्पष्टीकरण सोधेको हो ।

आइतबार पनि स्थापितले स्वतन्त्र उम्मेदवार बालेन शाहविरुद्ध अराजनीतिक टिप्पणी गरेका थिए ।

बालेनमाथि स्थापितले लगाए जातीय पहिचान लुकाएको आरोप