डेब्युमै पाँच विकेट लिएर सनसनी मच्चाएका किशोर को हुन् ?
काठमाडौं । जिम्बावे ए विरुद्धको एकदिवसीय खेलमा नेपालको तर्फबाट डेब्यु गरेका २२ वर्षीय किशोर महतोले सनसनीपूर्ण प्रदर्शन गरेका छन् । उनले टेस्ट टोलीका खेलाडीसमेत समावेश भएको जिम्बावेविरुद्ध डेब्युमै पाँच विकेट लिएर सनसनी मच्चाएका हुन् ।
सात ओभर बलिङ गरेका किशोरले ४३ रन खर्चँदै ५ विकेट लिएका हुन् । उनले एक मेडन ओभर पनि फालेका छन् ।
नवलपुरमा जन्मिएका किशोरले आठ वर्षको उमेरदेखि नै साथीहरूसँग क्रिकेट खेल्न थालेका थिए । यद्यपि, उनले पहिलोपटक चितवन गएर क्रिकेट प्रशिक्षण लिएका थिए ।
किशोरले चितवन क्रिकेट एकेडेमीमा राजु खड्कासँग प्रशिक्षण लिएका हुन् । खड्का वर्तमान कप्तान सन्दीप लामिछानेका पनि पहिलो प्रशिक्षक हुन् ।
तीव्र गतिका बलर किशोरको घरेलु र उमेर समूहका क्रिकेट प्रतियोगिताहरूमा प्रदर्शनको तथ्यांक राम्रो छ । किशोरले नेपाली यू–१९ टोलीका लागि खेलिसकेका छन् ।
किशोर ०७६ मा थाइल्याण्डमा भएको एसिसी इस्टर्न रिजन टि–२० क्रिकेटमा पहिलोपटक राष्ट्रिय टिममा परेका थिए । आज एकदिवसीमा डेब्यु गरेका हुन् ।
ताजा अपडेट
-
झापामा पूर्वशिक्षकबाटै एरिनाबाट गोली प्रहार भएको खुलासा
-
नेपालमा रहेका वेष्ट इन्डिजका तीन खेलाडी विश्वकप टोलीमा
-
आरबी कम्प्लेक्स र पिपुल्स प्लाजाद्वारा लाखौं कर छली
-
सूचना आयोगले सूचनाको हकसम्बन्धी क्षेत्रमा उत्कृष्ट १३ जनालाई पुरस्कृत गर्ने
-
कसैलाई प्रोत्साहित गर्न र कसैलाई कमजोर पार्न करको दर हेरफेर हुँदैन : अर्थमन्त्री पुन
प्रतिक्रिया