पोखरामा मतगणना सुरु

नेपालवाच २०७९ वैशाख ३१ गते १६:४६

काठमाडौं । पोखरा महानगरपालिकाको मतगणना पार्दीस्थित जिल्ला समन्वय समितिको भवनमा सुरु भएको छ ।

पोखराको मेयरमा २३ जनाले उम्मेदवारी दिएका छन् । जसमा एमालेबाट कृष्णबहादुर थापा, एकीकृत समाजवादीबाट धनराज आचार्य, राप्रपाबाट शंकरप्रसाद खराल र स्वतन्त्रबाट गनेस पौडेल चर्चामा छन् ।

पोखरामा दुई लाख सात हजार ७१२ जना मतदाता रहेका थिए । जसमध्ये एक लाख ९६ हजार मत खसेको निर्वाचन कार्यालयले जनाएको छ ।