अछामको तुर्माखाँदमा एमाले विजयी, माओवादी तेस्रो

नेपालवाच २०७९ जेठ ३ गते ११:२५

काठमाडौं । अछामको तुर्माखाँद गाउँपालिका अध्यक्ष र उपाध्यक्ष दुवैमा नेकपा एमालेका उम्मेदवार विजयी भएका छन् । एमालेले गाउँपालिकामा जित दर्ता गराउँदा माओवादी भने तेस्रो स्थानमा धकेलिएको छ ।

अध्यक्षमा नेकपा एमालेका डम्बरबहादुर बिसी ३५२३ मतका साथ निर्वाचित भएका हुन् । कांग्रेसका कर्णबहादुर बुढाले ३ हजार ४९३ मत पाए । र माओवादीका मनबहादुर वयकले ३ हजार ९१ मत हासिल गरे ।

उपाध्यक्षमा विजयी विमलाकुमारी शाहीले ३ हजार ५०१ मत पाएकी छन् । कांग्रेसकी अनुजाकुमारी सिंजापतीको ३ हजार ४५२ र राप्रपाकी धर्माकुमारी बुढाको ३८ मत छ ।