काठमाडौं । माओवादी केन्द्रका अध्यक्ष पुष्पकमल दाहाल प्रचण्डको निर्वाचन क्षेत्र चितवनको माडी नगरपालिकामा नेकपा एमालेले मेयर–उपमेयर दुवैमा बाजी मारेको छ ।

एमालेले माओवादी केन्द्रसहित पाँच दलीय गठबन्धनलाई पराजित गर्दै दुवै पद जितेको हो ।

मेयरमा एमालेका कृष्णकुमार तामाङ ६ हजार ७५७ मतसहित निर्वाचित भएका छन् । उनका निकटतम प्रतिद्वन्द्वी कांग्रेसका ज्ञानबहादुर कार्कीले ५ हजार ९४० मत ल्याएका छन् ।

यस्तै, उपमेयरमा पनि एमालेकी एलिना श्रेष्ठले ६ हजार ३०५ मतसहित निर्वाचित भएकी छिन् । उनले माओवादी केन्द्रमा लाखमान तामाङलाई पराजित गरेकी हुन् । तामाङले ५ हजार ४३० मत मा ल्याए ।