काठमाडौं । बाराका विभिन्न केन्द्रमा रद्द भएको स्थानीय तहको निर्वाचन अहिले भइरहेको छ । गत वैशाख ३० गते रोकिएको मतदान अहिले जारी भएको हो ।

विभिन्न केन्द्रमा अहिले शान्तिपूर्ण रुपमा मतदान भइरहेको निर्वाचन अधिकृतहरूले जनाएका हुन्

जिल्लाको पचरौता नगरपालिकामा रद्द भएको चारवटा मतदान केन्द्रको मतदान शुरु भएको छ ।

यस्तै, पचरौता नगरपालिका वडा नम्बर २ स्थित बरगाछी मतदान केन्द्र र श्रीनगर प्रावि मतदान केन्द्र तथा वडा नम्बर ४ स्थित नेरामावि बेल्दारीको क र ख गरी चारवटा मतदान केन्द्रमा मतदान भइरहेको निर्वाचन आयोगले जनाएको छ ।

मतदानका लागि बिहान ७ बजेदेखि ५ बजेसम्मको समय तोकिएको छ ।