शंकर चापागाईँ, पाँचथर । पाँचथरको फिदिम नगरपालिकाको मेयरमा गठबन्धनका तर्फबाट नेपाली कांग्रेसका मित्रप्रसाद काफ्ले विजयी भएका छन् । काफ्लेले निकटतम प्रतिस्पर्धी नेकपा एमालेका उम्मेद्वार पृथ्वी लावतीलाई ५७५ मत अन्तरले पराजित गर्दै मेयरमा विजयी भएका हुन । काफ्लेले ९८५५ मत प्राप्त गरे भने लावतीले ९२८० मत प्राप्त गरेका छन् ।

यसैगरी उपमेयर पदमा नेकपा माओवादी केन्द्रका राधाकृष्ण न्यौपाने निर्वाचित भएका छन् । निकटतम प्रतिस्पर्धी राप्रपाका जगत थापा मगरलाई ३४०२ मत अन्तरले पराजित गर्दै न्यौपाने उमेयर पदमा विजयी बनेका हुन् ।

न्यौपानेले ९०३६ मत प्राप्त गर्दा थापाले ५६३४ मत प्राप्त गरेका छन् । न्यौपाने विसं २०७४ सालको स्थानीय तहको निर्वाचनमा माओवादी केन्द्रबाट मेयरको पदमा पराजित भएका थिए ।

जिल्लामा कांग्रेस, माओवादी केन्द्र र एकिकृत समाजबादीले गठवन्धन गरी एकातर्फ रहेका थिए भने एमालेले राप्रपा र जनता समाजवादी पार्टी अर्कोतर्फ चुनावी तालमेल गरी चुनावी मैदानमा उत्रिएका थिए ।