बालेनले लिए साढे १७ हजारभन्दा बढीको अग्रता

नेपालवाच २०७९ जेठ ९ गते ७:५९

काठमाडौं । काठमाडौं महानगरपालिको मेयरमा स्वतन्त्र उम्मेदवार बालेन शाहले आफ्नो रफ्तार झनै बढाइरहेका छन् । उनले दोस्रो स्थानका उम्मेदवारलाई साढे १७ हजारभन्दाब बढी मतले उछिनेका छन् ।

कांग्रेसकी सिर्जना सिंहले दोस्रो स्थानमा कायम रहेकी छिन् । उनी पहिलो स्थानमा रहेका बालेनभन्दा १७५६३ मतले पछि छिन् । यद्यपि, उनले एमालेका केशव स्थापितविरुद्ध भने अग्रता लिइरहेकी छिन् ।

बालेनले ४३१६२ मत ल्याएका छन् भने सिर्जनाले २५५९९ मत ल्याएकी छिन् ।