युएईविरुद्धको खेलमा नेपालमा ८ रनमा अलआउट

काठमाडौं । आईसीसी यू १९ टी २० विश्वकप एसिया छनोटमा नेपाली महिला टोली यूएईविरुद्ध ८ रनमा अलआउट भएको छ ।
मलेसियामा भएको खेलमा टस जितेर पहिला् ब्याटिङ गरेको नेपाल ८ ओभर १ बलमा जम्मा ८ रन बनाउँदै अलआउट भएको हो । नेपालका लागि स्नेहा महराले बनाएको ३ रन नै व्यक्तिगत उच्च रह्यो । कप्तान कृतिका मरासिनीसहित ६ खेलाडीले खातासमेत खोल्न सकेनन् ।
यूएईका लागि माहिका गौरले सर्वाधिक ५ विकेट लिइन् । यस्तै इन्धुजा नन्दकुमारले ३ विकेट लिइन् ।
शुक्रबार नेपालले कतारलाई ७९ रनले हराउँदै विजयी भएको थियो । यूएईले भने पहिलो खेलमा भुटानलाई १ सय ६० रनले हराएको थियो ।
विश्वकप छनोट खेलमा नेपाल, मलेसिया, युएई, थाइल्याण्ड, भुटान र कतार रहेका छन् ।
ताजा अपडेट
-
रोनाल्डो फिफा क्लब विश्वकपमा सहभागी नहुने
-
गण्डकी प्रदेश सभामा नीति तथा कार्यक्रममाथि छलफल
-
अमेरिकासँगको करसम्बन्धी वार्तामा ‘प्रगति’, सम्झौता हुन बाँकी : जापान
-
आर्थिक अभावले उपचार नपाउने अवस्थाको अन्त्य हुनुपर्छ : प्रधानमन्त्री
-
अमेरिकी भन्सार शुल्कवृद्धि अन्तर्राष्ट्रिय मापदण्डविरुद्ध’
प्रतिक्रिया