हङकङसँग नेपाल पराजित
काठमाडौं । एसिसी महिला टि–ट्वान्टी च्याम्पियनसिपमा नेपाल हङकङसँग पराजित भएको छ ।
भर्खरै सम्पन्न खेलमा नेपाल हङकङसँग ७ विकेटले पराजित भएको हो ।
नेपालले दिएको ११० रनको झिनो लक्ष्य हङकङले १५.५ ओभरमा मात्र ३ विकेटको क्षतिमा पूरा गर्यो ।
यसअघि मलेसियाको किनरारा ओभलमा टस जितेर ब्याटिङ गरेको नेपालले निर्धारित २० ओभरमा ६ विकेट गुमाएर १०९ रन मात्र बनाएको थियो ।
नेपाल यसअघि नै सेमिफाइनल पुगिसकेको छ । यद्यपि, आजको हारले नेपाल समूह विजेता हुनबाट भने बञ्चित भएको छ ।
च्याम्पियनसिपको फाइनल पुग्ने दुई टोलीले महिला टि–ट्वान्टी एसिया कप क्रिकेटमा छनोट हुनेछन् ।
प्रतिक्रिया