NepalWatch

News Portal For Eeverything In Nepal from Nepal

२०८० फागुन १० गते

नेपाल सामु क्यानडाले दियो २३३ रनको लक्ष्य

काठमाडौं । एकदिवसीय खेलको तेस्रो तथा अन्तिम खेलमा क्यानडाले नेपाललाई २३३ रनको लक्ष्य दिएको छ।

त्रिवि क्रिकेट मैदानमा जारी खेलमा नेपालले टस जितेपछि कप्तान रोहित पौडेलले क्यानडालाई ब्याटिङको निम्तो दिएका थिए । खेलमा क्यानडाले ५० ओभरमा ८ विकेटको क्षतिमा २३२ रन जोड्यो।

क्यानडाका लागि ओपनिङ ब्याटर नवनीत धिवालले ५० रन जोडे । उनले ८२ बल खेल्दै पाँच चौकाको मद्दतमा सर्वाधिक ५० रन जोडेका हुन् ।

त्यस्तै क्यानडाका अर्का ओपनर निखिल दत्तले ४५ रन बनाए भने कप्तान साद बीन जाफरले ३१ रन बनाए । हर्ष थेकरले २९, श्रेयस मोब्बाले २५ र श्रीमान्थ विजेरत्नले २२ रन जोडे । त्यसबाहेक अन्य खेलाडीले दोहोरो अङ्कमा रन जोड्न सकेनन् ।

क्यानडालाई मध्यम रनमा रोक्ने क्रममा नेपालका लागि डेब्यू खेलाडी हेमन्त धामी र कुशल मल्लले समान दुई/दुई विकेट लिए भने ललित राजवंशी र अकाश चन्दले समान एकरएक विकेट लिए ।

नेपालले यसअघि भएको दुवै खेलमा जित हासिल गरेको थियो । पहिलो खेलमा नेपालले क्यानडालाई ७ रन र दोस्रो खेलमा ४ विकेटले पराजित गरेको थियो । आजको खेलमा नेपालले क्यानडालाई हराउँदै उक्त सिरिजको क्लिन स्वीप गर्ने लक्ष्यका साथ खेल्दैछ ।