NepalWatch

News Portal For Eeverything In Nepal from Nepal

२०८० फागुन १० गते

क्यानडाविरुद्धको सिरिजमा नेपालको क्लिनस्वीप

काठमाडौं । क्यानडासँगको एकदिवसीय खेलमा नेपालले क्लिनस्वीप गरेको छ । आज भएको तेस्रो तथा अन्तिम खेलमा पनि नेपाल ९ विकेटले विजयी हुँदै क्लिनस्वीप गरेको हो ।

नेपालले यसअघि भएको दुवै खेलमा जित हासिल गरेको थियो । पहिलो खेलमा नेपालले क्यानडालाई ७ रन र दोस्रो खेलमा ४ विकेटले पराजित गरेको थियो ।

नेपालले क्यानडाले दिएको २३३ रनको लक्ष्य १ विकेटको क्षतिमा ४४.३ ओभरमा भेट्टाएको हो ।

नेपालको जितमा ओपनिङ ब्याटर अनिलकुमार साह र भीम सार्कीले शतक प्रहार गरे। अनिलले नटआउट ११२ रन र भीमले नटआउट १०१ रन जोडे भने ओपनर ब्याटर कुशल भुर्तेल १३ रन बनाएर आउट भए।

खेलमा नेपालले पेनाल्टीबाट पाँच रन प्राप्त गरेको छ। क्यानडाका कप्तान शाद बीन जाफरले ब्याटिङका क्रममा पीचमा कुदेपछि नेपाललाई पाँच रन पेनाल्टी दिइएको हो।