काठमाडौं । आईसीसी क्रिकेट विश्वकप लिग–२ त्रिकोणात्मक ओडिआई सिरिजअन्तर्गतको पहिलो खेलमा नेपालले नामिबियाविरुद्ध सुरुमा ब्याटिङ गर्ने भएको छ ।

त्रिवि क्रिकेट मैदानमा हुन गइरहेको खेलमा नामिबियाले टस जितेर फिल्डिङ रोजेपछि नेपालले ब्याटिङको निम्तो पाएको हो ।

नेपालले आजको खेलमा अनिल कुमार शाहलाई मौका दिएको छ । शाहले मौका पाउँदा आरिस शेख र देव खनाल भने बेन्चमा रहनेछन् ।

नेपाल पहिलो खेलमै जित निकालेर सुखद् सुरुवात गर्न चाहन्छ ।

२०२७ सम्म चल्ने लिग–२ मा नेपालसहित ८ टोली सहभागी हुनेछन् । पहिलो सिरिजमा नेपाल, नामिबिया र नेदरल्यान्यड्स समेटिएका छन् ।