काठमाडौं । लुम्बिनी लायन्सले चितवन राइनोजलाई नेपाल प्रिमियर लिग (एनपिएल) मा १६८ रनको लक्ष्य दिएको छ ।

त्रिवि क्रिकेट मैदान कीर्तिपुरमा पहिले टस हारेर ब्याटिङ सम्हालेको लुम्बिनीले ६ विकेटको क्षतिमा १६७ रन बनाएको हो ।

लुम्बिनीले १६७ रनको योगफल बनाउँदा कप्तान रोहित पौडेल र साद विन जफर दुवैले अर्धशतकीय पारी खेले । रोहित ५६ बलमा ८२ रन बनाएर आउट हुँदा जफरले ३५ बलमा ५१ रन बनाए ।

त्यसैगरी, अर्जुन साउदले १५ रन र टम मुर्सले १० रन बनाए । यसबाहेकका लुम्बिनीका अन्य ब्याटरले भने दोहोरो रन जोड्न सकेनन् ।

बलिङतर्फ रिजन ढकालले ३ विकेट लिँदा कुशल मल्ल र रञ्जित कुमारले समान १/१ विकेट झारे ।