काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्ड पार्टीका नेता–कार्यकर्तामाथि खनिएका छन् । काठमाडौंमा आयोजित पार्टीको आन्तरिक प्रशिक्षणका क्रममा उनी पार्टीमा विचलन आएको भन्दै नेता–कार्यकर्तामाथि खनिएका हुन् ।

युद्धको समयमा शहादत दिन जान पाइएन भनेर झगडा गर्नेहरू नै अहिले पद पाइएन भनेर रुने, कराउने र भाग्ने गरेको प्रचण्डले आरोप लगाएको माओवादी केन्द्रका एक नेताले बताए ।

‘हिजो युद्धको समयमा शहादत प्राप्त गर्न तँछाडमछाड गर्दै झगडा गर्नेहरू नै आज पदका लागि मरिहत्ते गर्ने अवस्थामा पुगे’, प्रचण्डले भने ‘पार्टीभित्र वैचारिक अस्पष्टता, अराजकता र गुटबन्दी बढ्दो छ । पदलोलुपता बढ्दो छ ।’

सुरुमा चिनियाँ कम्युनिस्ट पार्टीमा पनि यस्तो समस्या देखिएको त माओले फरक ढङ्गले क्रान्तिलाई अगाडि बढाउँदा सफलता मिलेको प्रचण्डले स्मरण गरे ।

‘अब माओवादी पनि सच्चिन जरुरी छ,’ उनले भने ।