काठमाडौं । सरकारले बैशाख ३० गते स्थानीय निर्वाचन गर्ने घोषणा गरेको । यससँगै देशमा चुनावी माहोल पनि सुरु भइसकेको छ । मंगलबार मात्र सरकारले एक लाख जना म्यादी प्रहरीको भर्ना खुलाइसकेको छ । दलहरू पनि चुनावी रणनीतिमा लागिसकेका छन् ।

दल–बदलको क्रमसमेत चलिरहेको छ । यसैबीच दाङबाट यस्तै अनौठो अर्को खबर आएको छ । घटना तुलसीपुर उपमहानगरपालिका–१० राईखलियानको हो । माओवादी केन्द्रका चारजना स्थानीय कार्यकर्ताले कुलोको समिति बनाउने भनेर झुक्याउँदै आफूहरूलाई एमालेमा प्रवेश गराएको दाबी गरेका छन् ।

कुलोको समिति बनाउने भनेर हस्ताक्षर गराएको कागजबाट एमाले प्रवेश गराएको भन्दै एमालेले प्रचार गरेको भन्दै माओवादी केन्द्रका कार्यकर्ताले आपत्ति जनाएका छन् ।

आपत्ति जनाउनेमा सीताराम चौधरी, दशिराम चौधरी, नीमबहादुर चौधरी र जितराम चौधरी छन् ।

उनीहरूले एक संयुक्त विज्ञप्ति नै निकालेर आफूहरू एमालेमा नगएको स्पष्ट पारेका छन् । सीतारामले भने आफू माओवादी जनयुद्धका घाइते परिवारको सदस्य रहेकोसमेत दाबी गरेका छन् ।

हेरौं विज्ञप्ति :