काठमाडौं । इंग्लिस प्रिमियर लिगको बिहीबार राति भएको खेलमा आर्सनल घरेलु मैदानमै वेष्टहम युनाइटेडसँग २-० ले पराजित भएको छ । यो हारसँगै आर्सनलले अंकतालिकामा शीर्ष स्थानमा रहने मौका गुमाएको छ ।

वेष्टहमले भने प्रिमियर लिगमा आर्सनलमाथि लगातार तेस्रो पटक जित निकालेको हो ।

शीर्ष स्थानको लिभरपुलको ४२ अंक रहँदा एक खेल कम खेलेको आर्सनलको ४० अंक थियो। वेस्ट ह्यामविरुद्ध जित निकाल्न सकेको अवस्थामा पुनः लिग लिडर बन्ने मौका आर्सनललाई थियो। तर, घरेलु मैदानमै भएको खेलमा पनि वेस्ट ह्यामविरूद्ध गोल गर्न नसक्दा आर्सनलले उक्त मौका गुमाएको हो।

वेष्टहमका लागि थोमस साउसेकले १३ औं मिनेटमा गरेका थिए अर्को गोल मोन्स्टानटिनोस माभरोपानोसले ५५औं मिनेटमा गरे ।

आर्सनलले खेलमा राम्रो दबाब बनाएपनि गोल फर्काउन भने सकेन ।