काठमाडौं । दक्षिण अफ्रिकामा जारी आइसिसी यू–१९ क्रिकेट विश्वकपको सुपर सिक्सका खेल सकिएका छन् ।

सुपर सिक्सबाट सेमिफाइनलमा प्रवेश पाउने चार देश छनोट भएका छन् ।

सुपर सिक्सको समूह १ बाट भारत र पाकिस्तान तथा समूह २ बाट अस्ट्रेलिया र दक्षिण अफ्रिका सेमिफाइनलमा प्रवेश गरेका हुन् । खराब प्रदर्शन गरेको नेपाल भने सुपरसिक्सबाटै बाहिरिसकेको छ ।

अब सेमिफाइनल खेल फेब्रुअरी ६ र ८ तारिखमा हुनेछ । सेमिफाइनलको पहिलो खेलभारत र दक्षिण अफ्रिकाबीच हुनेछ भने दोस्रो खेलमा पाकिस्तानले अस्ट्रेलियाको सामना गर्नेछ ।

१६ देश सहभागी प्रतियोगिताको सेमिफाइनल खेलबाट दुई देश फाइनलमा प्रवेश गर्नेछन् ।