काठमाडौं । नेपाल प्रिमियर लिगमा सुदूरपश्चिम रोयल्सले विराटनगर किंग्सलाई १८३ रनको चुनौतीपूर्ण लक्ष्य दिएको छ । टस हारेर पहिले ब्याटिङको निम्तो पाएको सुदूरपश्चिमले निर्धारित २० ओभरमा ७ विकेटको क्षतिमा १८२ रन जोडेको हो । यो एनपिएलमा अहिलेसम्मको सबैभन्दा बढी रन हो ।

विराटनगरविरुद्धको खेलमा दीपेन्द्र सिंह ऐरीले सानदार प्रदर्शन गरे । उनले पाँच छक्का र तीन चौकाको मद्दतमा सर्वाधिक ५७ रन हिर्काए ।

त्यस्तै, विनोद भण्डारीले २३, इशान पाण्डेले २१, सैफ जैबले १४ र स्कटले १० रनको योगदान दिए ।

विराटनगरका अनिल खरेलले ३, क्रिस सोले, इस्मत अलाम र बसिर अहमेदले समान एक÷एक विकेट झारे ।