काठमाडौं । नेपाल प्रिमियर लिग (एनपिएल) मा कर्णाली याक्सले काठमाडु गुर्खाजलाई १५० रनको लक्ष्य दिएको छ ।

कीर्तिपुरस्थित टियू मैदानमा बुधबार बिहान भएको खेलमा निर्धारित २० ओभरमा ५ विकेटको क्षतिमा कर्णालीले १४९ रन जोडेको हो ।

कर्णालीका लागि शिखर धवनले सर्वाधिक ७२ रन जोडे । उनले ५१ बलमा ५ छक्का र चार चौकाको मद्दतमा ७२ रन जोडेका हुन् ।

त्यसैगरी, मक्सुदले १४, चाडविक वाल्टनले २१ र बाबा रहायतले १३ रन जोडे पनि अन्यले दोहोरो रन नै बनाउन सकेनन् । ओपनर देव खनाल त खाता नै खोल्न नसकी आउट भए ।

काठमाण्डुका जेरार्ड एरासमसले २ तथा करण केसी, नाथन सोटर र दिपेश कँडेलले समान १÷१ विकेट लिए ।