पोखराको मेयरमा गठबन्धनविरुद्ध कांग्रेसका नेता उठे बागी उम्मेदवार

नेपालवाच २०७९ वैशाख ११ गते १७:५४

काठमाडौं । पोखरा महानगरपालिकाको मेयरमा सत्ता गठबन्धनविरुद्ध नेपाली कांग्रेसका एकजना नेताले बागी उम्मेदवारी दिएका छन् ।

कांग्रेसको पोखरा नगर समितिका पूर्वसभापति विमलबहादुर कार्कीले उम्मेदवारी दर्ता गराएका हुन् ।

सत्ता गठबन्धनबाट नेकपा (एकीकृत समाजवादी)का धनराज आचार्यलाई मेयरको उम्मेदवार बनाउने निर्णय गरेसँगै असन्तुष्टि जनाउँदै बागी उठ्ने निर्णय गरेको कार्कीले बताएका छन् ।