काठमाडौं । काठमाडौं महानगरपालिकाको मेयरमा बालेन शाहले फराकिलो अग्रता कायमै राखेका छन् ।

स्वतन्त्र उम्मेदवार बालेन दोस्रो स्थानका एमालेका केशव स्थापितभन्दा ५८४७ मतले अगाडि छन् ।

बालेनले १२५५३ मत ल्याएका छन् भने स्थापितले ६७०६ मत प्राप्त गरेका छन् ।

तेस्रो स्थानमा रहेकी कांग्रेसकी सिर्जना सिंहले ५९५७ मत ल्याएकी छिन् ।

बालेनले सुरुवातीदेखि नै अग्रता बनाइरहेका छन् । उनले स्थापितको वडामा समेत अग्रता बनाएका छन् ।

वडा नम्बर २८ को गणना स्थापितले मतदान गरेको बागबजारको पद्मकन्या क्याम्पसबाट सुरु भएको हो । त्यहाँ पनि बालेनले अग्रता लिएका छन् ।

सो क्षेत्रमा बालेनले ७३ मत ल्याएका छन् । दोस्रोमा कांग्रेसकी सिर्जना सिंह देखिएकी छिन् । उनले ६२ मत ल्याएकी छिन् । तेस्रो स्थानमा स्थापित रहेका छन् । उनले ३२ मतमात्र ल्याएका छन् ।

स्थापितको वडामा पनि बालेनको अग्रता, उनी तेस्रोमा मात्रै – NepalWatch