बलात्कार पीडितको न्यायका लागि प्रधानमन्त्री निवासअघि धर्ना

नेपालवाच २०७९ जेठ ६ गते ११:३८

काठमाडौं । सुन्दरी प्रतियोगिताका क्रममा सन् २०१४ मा बलात्कार भएकी युवतीका लागि न्याय माग्दै प्रधानमन्त्रीको सरकारी निवास बालुवाटारमा धर्ना दिएका छन् ।

युवाहरुले ‘अकुपाइ बालुवाटार’को नाममा अभियानअन्तर्गत स्वतः स्फूर्तरुपमा भेला भएर धर्ना दिएका हुन् । उनीहरुले बलात्कारजस्तो जघन्य र गम्भीर अपराधमा हदम्याद हटाउन माग गरेका छन् ।

ती युवतीले आफू बलात्कृत भएको घटना बुधबार राति टिकटकमार्फत् सार्वजनिक गरेकी थिइन् ।