काठमाडौं । अमेरिकी डलरको भाउभन्दा युरोपियन युरो महंगो हुँदै गएको छ । नेपाल राष्ट्र बैंकका अनुसार बुधबार युरोपियन युराे एकको खरिददर १३४ रूपैयाँ ७० पैसा र बिक्रीदर १३५ रूपैयाँ ३३ पैसा कायम भएको छ ।

मंगलबार युरोपियन युरो एकको खरिददर १३३ रूपैयाँ ७३ पैसा र बिक्रीदर १३४ रूपैयाँ ३५ पैसा तोकिएको थियो ।

बुधबार अमेरिकी डलर एकको भाउमा सामान्य गिरावट देखिएको छ । अमेरिकी डलर एकको (खरिददर) १२९ रूपैयाँ ४६ पैसा र बिक्रीदर १३० रूपैयाँ ६ पैसा तोकिएको छ । मंगलबार अमेरिकी डलर एकको  खरिददर १२९ रूपैयाँ ७२ पैसा र बिक्रीदर १३० रूपैयाँ ३३ पैसा कायम भएको थियो ।

आज अस्ट्रेलियन डलर एकको खरिददर ८७ रूपैयाँ ५९ पैसा र बिक्रीदर ८८ रूपैयाँ कायम भएको छ ।

क्यानेडियन डलर एकको खरिददर भने ९७ रुपैयाँ ५५ पैसा र बिक्रीदर ९८ रुपैयाँ पुगेको छ । युके पाउन्ड स्टलिङ एकको खरिददर १५३ रुपैयाँ १९ पैसा र बिक्रीदर १५३ रुपैयाँ ९० पैसा कायम छ ।

सिंगापुर डलर एकको खरिददर ९४ रुपैयाँ ६८ पैसामा कारोबार भइरहेको छ भने यसको बिक्रीदर ९५ रुपैयाँ १२ पैसा छ । त्यस्तै जापनिज यन १० को खरिदर ९ रुपैयाँ ३० पैसा कायम छ । यसको बिक्रीदर ९ रुपैयाँ ३५ पैसा कायम भएको छ ।