काठमाडौं । बुधबारदेखि जारी एकीकृत समाजवादी पार्टीको केन्द्रीय कमिटी बैठकले अध्यक्ष माधवकुमार नेपालको राजनीतिक प्रतिवेदन संशोधनसहित पारित भएको छ ।

अध्यक्ष नेपालले बैठकमा पेश गरेको आठ बुँदे राजनीति प्रतिवेदनमाथि केन्द्रीय सदस्यहरूले उठाएको प्रश्नको जवाफ दिएका थिए ।

स्थानीय तहको चुनावी तयारीमा पार्टीको सम्पूर्ण शक्ति केन्द्रीत गर्ने निर्णय गरेको छ । एमालेसँग विद्रोह गरी विशेष परिस्थितिमा पार्टी गठन भएकाले चुनावी परिणाम आफ्नो पक्षमा आउनेगरी तयारी गर्न नेपालले केन्द्रीय सदस्यहरूलाई निर्देशन दिएका छन् ।

बुधबारको बैठकमा राजनीति प्रतिवेदन प्रस्तुत गर्दै नेपालले पार्टीको अस्थित्व नै समाप्त पार्ने षड्यन्त्र भएकोले व्याख्यात्मक टिप्पणीसहित एमसिसी अनुमोदन गर्नुपरेको जिकिर गरेका थिए ।

गठबन्धन टुटाउन एमाले अध्यक्ष केपी ओली सक्रिय रहेकाले आगामी चुनावसम्म गठबन्धन कायमै रहने सहमति भएको नेपालले केन्द्रीय ससदस्यलाई जानकारी गराएका थिए । बैठकले मोर्चा संगठन र सम्पर्क मञ्च सञ्चालन निर्देशीकासमेत पारित गरको छ ।

अध्यक्ष नेपालले प्रस्तुत गरेको प्रतिवेदनमाथि सुझाव दिन एकीकृत समाजवादीले सात भूगोल र २ गैरभूगोल गरी ९ समूहमा विभाजन गरेको थियो । सबै समूहबाट आएको सुझावलाई समेटेर १४ बुँदे प्रस्ताव पारित गरेको छ ।