काठमाडौं । केही विषयमा व्याख्यात्मक घोषणा गरेपछि प्रतिनिधिसभाले एमसिसीलाई बहुमतले अनुमोदन गरेको छ । आइतबार एकैदिन २ पटक बसेको संसद बैठकले अमेरिकी आर्थिक सहयोगको एमसिसी सम्झौतालाई ध्वनीमतबाट  अनुमोदन गरेको हो ।

विस्तृत छलफलपछि उठेका प्रश्नपछि सरकारका तर्फबाट जवाफ दिंदै अर्थमन्त्री जनार्दन शर्माले एमसिसी आर्थिक सहयोग मात्रै भएको बताए । कुनै सैन्य र रणनीतिक सहयोग नभएको उनले प्रष्ट्याए ।

सत्तारुढ दलबाटै माग भएपछि मन्त्रिपरिषद् बैठकले एमसिसीका सैन्य सवाल, कानुनी पक्ष जस्ता विषयमा व्याख्यात्मक घोषणा १२ बुँदामा व्याख्या गर्दै स्वीकृत गरेपछि प्रतिनिधिसभा बैठकले एमसिसी सम्झौतालाई बहुमतबाट पारित गरेको हो ।