काठमाडौं । नेकपा (माओवादी केन्द्र)को वाग्मती प्रदेशले भरतपुर महानगरपालिकी मेयरसमेत रहेकी केन्द्रीय सदस्य रेणु दाहाललाई पार्टीको चितवन इञ्चार्ज बनाउने प्रस्ताव गरेको छ ।

बिहीबार बसेको वाग्मती प्रदेश कमिटी बैठकले रेणुलाई इञ्चार्ज बनाउने प्रस्ताव गरे पनि केन्द्रले कुनै निर्णय नगरेको अध्यक्ष सरल सहयात्री पौडलले जिकिर गरेका छन् ।

‘उहाँलाई चितवनको इञ्चार्जको जिम्मा दिने वाग्मती प्रदेशले प्रस्ताव गरेको हो,’ उनले भने, ‘केन्द्रले बनाउने निर्णय गरेको छैन ।’

विधानअनुसार, जिल्जा इञ्चार्ज तोक्ने जिम्मा प्रदेशलाई दिएको छ । त्यहीअनुसार, हामीले प्रस्ताव गरेको हौं । अन्य जिल्लाको हकमा कुनै निर्णय भएको छैन ।’

माओवादी केन्द्रका अध्यक्ष पुष्पकमल दाहाल प्रचण्डकी छोरीसमेत रहेकी रेणुलाई आगामी चुनावमा भरतपुर महानगरपालिकाको मेयरमा दोहो¥याउने प्रवल सम्भावना छ । पुसमा भएको माओवादी केन्द्रले आठौं माहाधिवेशनपछि जिल्ला इञ्चार्ज तोकेको छैन ।