संवैधानिक निकायमा पदाधिकारी नियुक्तिविरुद्धको मुद्दाको सुनुवाइ आजदेखि
काठमाडौं । विभिन्न संवैधानिक निकायमा गरिएको नियुक्ति र आफ्नै संवैधानिक इजलासको अन्तरिम आदेविरुद्ध आज सर्वोच्च अदालतको संवैधानिक इजलासमा सुनुवाइ हुने भएको छ ।
संवैधानिक इजलासले गत शुक्रबार बुधबारका लागि पेशी तोक्न आदेश दिएको थियो । त्यसैको आधारमा आज यो विषयमा संवैधानिक इजलासमा सुनुवाइ हुने भएको हो ।
इजलासमा कायममुकायम प्रधानन्यायाधीश दीपककुमार कार्की, न्यायाधीशहरू मीरा खड्का, हरिकृष्ण कार्की, विश्वम्भर श्रेष्ठ र ईश्वरप्रसाद खतिवडा छन्।
यसबारे बहस गर्न दुवै पक्षलाई एक÷एक घण्टाको समय दिइएको छ । अपुग भएमा थप ३० मिनेट पाउनेछन् ।
पूर्ववर्ती सरकारका प्रधानमन्त्री केपी शर्मा ओलीले गत चैतमा विभिन्न संवैधानिक निकायमा ५२ पदाधिकारी नियुक्ति गर्न सिफारिस गरेका थिए । यो असंवैधानिक रहेको दाबी गर्दै अधिवक्ता डा. गणेश रेग्मीले रिट निवेदन दर्ता गराएका थिए । न्यायाधीश हरि फुयाँलको एकल इजलासले यसबारेको सुनुवाइ स्थगित गर्न आदेश दिएपछि सुनुवाइ प्रभावित भएको थियो ।
ताजा अपडेट
-
फेरि बढ्यो सुनको मूल्य, आज कतिमा हुँदैछ कारोबार ?
-
एम्बुलेन्सको ठक्करबाट महिलाको मृत्यु, दुई जना घाइते
-
पृथ्वीराजमार्ग जोड्ने वैकल्पिक रानीटारी–घुम्ती १६ दिन बन्द हुने
-
जेठ १४ गते वागमती सरकारको नीति तथा कार्यक्रम प्रस्तुत गर्ने
-
सहकारी ठगीमा संसदीय समिति बनाउन सहमति, कानूनमन्त्रीको नेतृत्वमा मस्यौदा कार्यदल गठन
प्रतिक्रिया