काठमाडौं । सर्वोच्च अदालतले केपी शर्मा ओली नेतृत्वको सरकारले गरेको ५२ जना संवैधानिक पदाधिकारीको नियुक्ति बदर गर्न अन्तरिम आदेश दिन अस्वीकार गरेको छ ।

संवैधानिक आयोगमा भएको नियुक्तिविरुद्ध परेको रिटमाथि आज सुनुवाइ गर्दै संवैधानिक इजलासले अन्तरिम आदेश दिन अस्वीकार गरेको हो ।

सर्वोच्चको आदेशसँगै ओली सरकारले नियुक्त गरेका संवैधानिक आयोगका पदाधीकारीले निरन्तरता पाएका छन् ।

अधिवक्ताहरू गणेश रेग्मी र दीपकविक्रम मिश्रले सर्वोच्चमा रिट हालेका थिए ।