राजीनामा दिएको एक हप्ता नपुग्दै महराका स्वकीय सचिव श्रीमतीसहित एमालेमा
काठमाडौं । नेकपा (माओवादी केन्द्र)का नेता एवं पूर्वसभामुख कृष्णबहादुर महराका स्वकीय सचिव प्रमोद शर्मा नेकपा (एमाले) प्रवेश गरेका छन् ।
दाङको घोराही उपमहानगरपालिकाका अध्यक्षसमेत रहेका शर्मालाई एमाले अध्यक्ष केपी शर्मा ओलीले बिहीबार पार्टी प्रवेश गराएका हुन् ।
उनीसहित उनकी पत्नी सीता चौधरी पनि एमाले प्रवेश गरेकी छिन् । पार्टीले उपमहानगर कमिटीका पदाधिकारी छनोटमा मानोमानी गरेको
आरोप लगाउँदै मंगलबार पार्टीको साधारण सदस्यसमेत नरहने गरी राजीनामा दिएका थिए ।
उनले आफु माओवादी केन्द्रको सम्पूर्ण जिम्मेवारी मुक्त भएपनि स्वतन्त्र कुनै पार्टी प्रवेश नगर्ने बताएका थिए ।
प्रतिक्रिया