काठमाडौं । ब्राजिलका महान फुटबलर पेले अस्पताल भर्ना भएका छन् ।

८१ वर्षीय पेलेको गत सेप्टेम्बरमा आन्द्रामा पलाएको ट्युमरको अप्रेसन गरिएको थियो । त्यसैको फलोअपका लागि पेले ब्राजिलकै एउटा अस्पतालमा गएको अन्तर्राष्ट्रिय सञ्चारमाध्यमहरूले जनाएका छन् ।

पेले विश्वकै महान फुटबलर गनिन्छन् । उनले तीनवटा विश्वकपको उपाधि जितेका छन् । तीनपटक विश्वकपको उपाधि जित्ने उनी एक्ला व्यक्ति हुन् ।