काठमाडौं । जिम्बाब्बेविरुद्ध प्रतिस्पर्धा गर्ने नेपाली क्रिकेट खेलाडीको टोली घोषणा गरिएको छ । नेपाल क्रिकेट संघ (क्यान) ले जिम्बाब्बेविरुद्धको एकदिवसीय र टी ट्वान्टी श्रृंखलाका लागि २३ सदस्यीय टोली घोषणा गरेको हो ।

घोषणा गरिएको टिममा विनोद भण्डारी र सुनील धमलासँगै यू–१९ क्रिकेट टोलीका बसिर अहमद परेका छन् । अहमत पहिलोपटक सिनियर टिममा समेटिएका हुन् ।

ए टिमबीच तीन एक दिवसीय र तीन टी–२० खेल हुनेछन् ।

नेपाल र जिम्बाबेबीच यही वैशाख १७ गतेदेखि एकदिवसीय श्रृंखला सुरु हुनेछ । क्यानका अनुसार, १९ र २१ गते पनि यसअन्तर्गतका खेल सञ्चालन हुनेछन् ।

त्यसैगरी, टी–२० शृंखलाका खेल वैशाख २३, २४ र २६ गतेका लागि तय भएको छ ।

यसअघि नै टिम घोषणा गरिसकेको जिम्बाब्बेको टोली यही अप्रिल २८ मा नेपाल आइपुग्दैछ ।