काठमाडौं । विश्व उपविजेता क्रोएसियालाई ३–० गोल अन्तरले हराउँदै अष्ट्रिया विजयी भएको छ ।

युइएफए नेसन्स लिग ए ग्रुप ४ को पहिलो राउन्डको खेलमा विश्व उपविजेता क्रोएसियाले फराकिलो हार बेहोरेको हो ।

अष्ट्रियाको जितका लागि मार्को एर्नाउटोभिक, माइकल ग्रेगोरेट्स र मार्सेल सवित्जरले १÷१ गोलको योगदान गरे ।

अष्ट्रियाका लागि ४१ औं मिनेटमा मार्को एर्नाउटोभिक, ५४औं मिनेटमा माइकल ग्रेगोरेट्स र ५७ औं मिनेटमा मार्सेल सवित्जरले गोल गरे ।

अर्को खेलमा विश्व विजेता फ्रान्स डेनमार्कसँग २–१ गोल अन्तरमा पराजित भएको छ ।