काठमाडौं । सन् २०२२ मा कतारमा हुने विश्वकप फुटबलका लागि अस्ट्रेलिया छनोट भएको छ ।

अन्तरमहादेशीय प्लेअफमा पेनाल्टी सुटआउटमा पेरुलाई पराजित गर्दै अस्ट्रेलिया फिफा विश्वकपमा छनोट भएको हो।

कतारको अहमद विन अली रंगशालामा गएराति भएको खेल बराबरी भएपछि पेनाल्टी सुटआउटमा प्रवेश गरेको थियो । जसक्रममा अस्ट्रेलियाले ५–४ गोलअन्तरको जित निकाल्यो ।

योसँगै अस्ट्रेलियाले लगातार पाँचौंपटक विश्वकप खेल्न पाउने भएको छ ।

विश्वकपमा अस्ट्रेलिया समूह डीमा परेको छ । फ्रान्स, डेनमार्क र ट्यूनिसिया पनि यही समूहमा रहेकाले उसले यी देशको सामना गर्नुपर्ने छ ।