काठमाडौं । नेपाली राष्ट्रिय क्रिकेट टोलीले क्यानेडियन क्लब ओन्टारियोविरुद्ध ‘क्लिन स्विप’ गरेको छ ।

दोस्रो अभ्यास खेल (टि–२०)मा पनि जित निकाल्दै क्लिन स्विपको नजितजा निकालेको हो ।

आइतबार राति भएको दोस्रो खेलमा ओन्टारियोलाई ५५ रनले हराउँदै नेपालले दोस्रो जित निकालेको छ ।

पहिलो अभ्यास खेल (एकदिवसीय)मा पनि नेपालले ओन्टारियोलाई ६९ रनले हराएको थियो ।

नेपालले दिएको २१० रनको लक्ष्य पछ्याएको ओन्टारियोले १९.३ ओभरमा अलआउट हुँदै १५४ रनमात्र बनाउन सक्यो ।

नेपालका सोमपाल कामीले दुई तथा करण केसी, आदिल आलम र किशोर महतोले एक–एक विकेट लिए ।

यसअघि टस जितेर ब्याटिङ गरेको नेपालले २० ओभरमा ४ विकेट गुमाएर २०९ रन बनाएको थियो । नेपालका लागि रोहित पौडेल र दीपेन्द्रसिंह ऐरीले अर्धशतकीय पारी खेले । रोहितले अविजित ७१ रनको योगदान दिए भने दीपेन्द्रले २७ बलमा ५४ रनको योगदान गरे ।

यस्तै, पवन सर्राफले ३७ तथा देव खनालले २० रन जोडे । क्यानडासँगको सिरिजअघि नेपालले अभ्यास खेल खेलेको हो । नेपालले अब क्यानडाको राष्ट्रिय टोलीसँग दुई खेलको एकदिवसीय सिरिज खेल्नेछ ।

शनिबार जित निकालेको नेपाल आज ओन्टारियोसँग अर्को खेल खेल्दै