स्कटल्याण्डले दियो नेपाललाई १४५ रनको झिनो लक्ष्य

एनपीएलको तेस्रो संस्करणलाई आईसीसीको औपचारिक मान्यता

स्कटल्याण्डले दियो नेपाललाई १४५ रनको झिनो लक्ष्य

नेपालवाच २०७९ असार २९ गते १९:१३

काठमाडौं । आइसिसी विश्वकप लिग–२ त्रिकोणात्मक ओडिआई सिरिजमा घरेलु टोली स्कटल्याण्डले नेपाललाई १४५ रनको झिनो लक्ष्य दिएको छ ।

स्कटल्याण्डले ४२.४ ओभरमा सबै विकेट गुमाएर १४४ रनमात्र बनाउन सक्यो ।

स्कटल्याण्डका ब्याटर नेपाली बलरका सामु सुरुवातीदेखि नै निरीह बनेका थिए । तर, अन्तिम विकेट झार्न भने नेपाललाई कठिन नै भयो । अन्ततः दीपेन्द्रसिंह ऐरीले अन्तिम विकेट हात पार्न सफल भए ।

नेपालका लागि सोमपाल कामी र आदिल आलमले समान तीन विकेट लिए । यस्तै कप्तान सन्दीप लामिछानेले दुई तथा करण केसी र दीपेन्द्रले एक विकेट हात पारे ।

यस्तो छ नेपालको सुरुवाती ११

आसिफ शेख (विकेटकिपर), कुशल भुर्तेल, देव खनाल, रोहित पौडेल (उपकप्तान), दीपेन्द्रसिंह ऐरी, आरिफ शेख, आदिल आलम, सोमपाल कामी, करण केसी, सन्दीप लामिछाने (कप्तान) र बसिर अहमद ।

केहीबेरपछि नेपालले ब्याटिङ गर्नेछ ।