सत्तासाझेदार दलमा फाटो, जसपा सरकारमा नजाने
काठमाडौं । एमाले अध्यक्ष केपी शर्मा ओलीको लचकता र अग्रसरतामा निर्माण भएको एमाले, माओवादी केन्द्र, रास्वपा, राप्रपालगायत दल सम्मिलित गठबन्धनमा दरार उत्पन्न भएको छ । गठबन्धनले तीन साता मात्रै पार गरेको अवस्थामा जनता समाजवादी पार्टी असन्तुष्ट बनेको हो । मन्त्रालय भागबण्डामा असहमति जनाउँदै उसले सरकारमा समेत सहभागी नहुने निर्णय सार्वजनिक गरेको छ ।
सत्तासाझेदार दलहरूको प्रवृत्ति ठीक नभएकाले आफ्नो दलले सरकारमा सहभागी नहुने निर्णय गरेको सो पार्टीका अध्यक्ष उपेन्द्र यादवले सोमबार बताए ।
सोमबार बसेको सत्तासाझेदार दलको बैठकको सहभागी यादव बीचमै उठेर हिँडेका थिए ।
‘साझेदार दलहरूको प्रवृत्ति ठीक लागेन, पहिल्यै सहमति गरेर बचेकुचेको भाग जसपालाई दिन खोजियो, त्यसैले मंगलबारको मन्त्रिपरिषद् विस्तारमा हाम्रो सहभागिता हुँदैन,’ बैठकपछि यादवले भने ।
किन बिच्कियो जसपा ?
प्रतिनिधिसभामा जसपाको १२ सिट छ । स्रोतका अनुसार, जसपाले तीन मन्त्रालय र उपराष्ट्रपतिमा दाबी गर्दै आइरहेको छ । तर प्रधानमन्त्री प्रचण्ड र एमाले अध्यक्ष केपी शर्मा ओलीले दुई मन्त्रालय लिएर सरकारमा जान जसपालाई आग्रह गरेका थिए । १४ सिट रहेको राप्रपालाई रोजेअनुसारकै तीन मन्त्रालय दिएर आफ्नो पार्टीलाई दुईमा सीमित गराउन खोजेपछि उपेन्द्र रुष्ट बनेको बताइन्छ । सोमबारको बैठकमा यस्तै प्रस्ताव दोहोर्याएपछि यादव बैठक छाडेर बीचमै बाहिरिएका थिए ।
सरकारले दलको आवश्यकता महसुस गरेको अवस्थामा छलफल गर्न खुला रहे पनि अब जसपा आफ्नै बाटोमा हिँड्ने उनले बताए । सरकारलाई दिएको समर्थन कायम रहने या फिर्ता हुने भन्नेबारे भने जसपाले प्रष्ट पारेको छैन ।
ताजा अपडेट
-
सूचना आयोगले सूचनाको हकसम्बन्धी क्षेत्रमा उत्कृष्ट १३ जनालाई पुरस्कृत गर्ने
-
कसैलाई प्रोत्साहित गर्न र कसैलाई कमजोर पार्न करको दर हेरफेर हुँदैन : अर्थमन्त्री पुन
-
काठमाडौँ महानगरको श्रम बैंकबाट चार सयभन्दा बढी रोजगार
-
चीनमा पाँच लाखभन्दा बढी अपाङ्गता भएका व्यक्ति नयाँ रोजगारीमा
-
६ सचिवको सरुवा, पर्यटन, शिक्षा र कृषि सचिव फेरिए
प्रतिक्रिया