काठमाडौं । आईसीसी टी-२० विश्वकप एसिया छनोटको युएई र नेपालबीच जारी सेमिफाइनल खेलमा नेपालका लागि छैटौँ सफलता मिलेको छ ।

नेपालका सन्दीप लामिछानेको बलमा युएईका बासिल हमिद आउट भएसँगै युएईले छैटौँ विकेट गुमाएको हो ।

जारी खेलमा युएईले छैटौँ विकेटको क्षतिमा एक सय १८ रन जोडेको छ ।

आजको खेलमा जित हात पार्ने टिम आगामी वर्ष अमेरिका र वेस्ट इन्डिजमा हुने आइसिसी टी-२० विश्वकपमा स्थान पक्का गर्नेछ।

एसिया छनोट फाइनल खेल्नुअघि त्रिकोणात्मक सिरिजको लिग चरणको दुबै खेलमा नेपालले यूएईलाई हराएको थियो । तर, फाइनलमा नेपाललाई हराएर युएईले उपाधि जितेको थियो ।