काठमाडौं । आईसीसी टी-२० विश्वकप एसिया छनोटको सेमिफाइनल खेलमा युएईले नेपाल सामु एक सय ३५ रनको लक्ष्य प्रस्तुत गरेको छ ।

टस जितेर ब्याटिङ रोजेको युएईले पूरै ओभर खेल्दै ९ विकेटको क्षतिमा एक सय ३४ रन बनाएको हो । युएईका लागि वृत्य अरविन्दले सर्वाधिक ६४ रनको योगदान दिए ।

नेपालका लागि कुशल मल्लले सर्वाधिक चार विकेट लिए भने सन्दीप लामिछाने र सोमपाल कामीले समान दुई/दुई विकेट लिए । त्यस्तै नेपालका लागि रोहितकुमार पौडेलले एक विकेट लिए ।

आजको खेलमा जित हात पार्ने टिम आगामी वर्ष अमेरिका र वेस्ट इन्डिजमा हुने आइसिसी टी-२० विश्वकपमा स्थान पक्का गर्नेछ।

एसिया छनोट फाइनल खेल्नुअघि त्रिकोणात्मक सिरिजको लिग चरणको दुबै खेलमा नेपालले यूएईलाई हराएको थियो । तर, फाइनलमा नेपाललाई हराएर युएईले उपाधि जितेको थियो ।