काठमाडौं । आइसिसी टी–२० विश्वकपअन्तर्गत एसिया छनोटको सेमिफाइनलमा युएईले दिएको लक्ष्यविरुद्ध नेपालका ओपनर आशिफ शेखले अर्धसतक कटाएका छन् । आशिफले ३९ बलमा अर्धसतक पुरा गरेका हुन्।

मुलपानी मैदानमा जारी खेलमा टस जितेर पहिले ब्याटिङ गरेको युएईले ९ विकेटको क्षतिमा १३४ रन बनाउँदै नेपाल सामु १३५ रनको लक्ष्य दिएको छ ।

युएईविरुद्ध ब्याटिङमा रहेको नेपालले १३ ओभर खेल्दै दुई विकेटको क्षतिमा ९३ रन बनाएको छ । अहिले क्रिजमा आसिफसँग कप्तान रोहित पौडेलले साझेदारी गरिरहेका छन् ।

आजको खेलमा जित हात पार्ने टिम आगामी वर्ष अमेरिका र वेस्ट इन्डिजमा हुने आइसिसी टी-२० विश्वकपमा स्थान पक्का गर्नेछ।