अष्ट्रेलियाविरुद्धको खेलमा अफगानिस्तानले बनायो नयाँ रेकर्ड

विश्वकप फुटबलको फाइनल एनटीभी प्लसबाट निःशुल्क प्रत्यक्ष प्रसारण हुने

अष्ट्रेलियाविरुद्धको खेलमा अफगानिस्तानले बनायो नयाँ रेकर्ड

नेपालवाच २०८० कार्तिक २१ गते १८:१४

काठमाडौं । एकदिवसिय क्रिकेट विश्वकपमा अफगानिस्तानले अष्ट्रेलियाविरुद्ध २९१ रन बनाएको छ । विश्वकपमा अफगानिस्तानले बनाएको यो अहिलेसम्मकै उच्च स्कोर हो ।

टस हारेर पहिले ब्याटीङ गरेको अफगानिस्तानले ५ विकेट गुमाएर सो योगफल तयार पारेको थियो । अफगानिस्तानका ओपनर इब्राहिम जद्रानले अविजित १२९ रनको मद्दतमा अफगानिस्तानले उच्च स्कोर बनाएको हो । जद्रान एकदिवसिय विश्वकपमा शतक प्रहार गर्ने पहिलो अफगानी खेलाडी बनेका छन् ।

२९२ रनको लक्ष्य पाएको अष्ट्रेलियाले आज जितेमा सेमिफाइनलमा पुग्नेछ । अफगानिस्तान विजयी भएमा उसको पनि सम्भावना प्रबल हुनेछ ।