काठमाडौं । शीर्ष स्थानबाट तल झरेको म्यानचेस्तर सिटी नतिजामा सुधार ल्याउँदै पुरानै पोजिसनमा फर्किएको छ । इंग्लिस प्रिमियर लिगमा फुलह्याममाथि सहज जित निकाल्दै म्यान्चेस्टर सिटी पुनः शीर्ष स्थानमा फर्किएको हो ।

शनिबार क्रभेत कुटिजमा सम्पन्न खेलमा सिटीले घरेलु टोली फुलह्याममाथि ४–० गोलान्तरको फराकिलो जित निकाल्यो ।

सिटीको जितका लागि जोस्को ग्वार्डियोल एक्लैले २ गोल गरे । त्यस्तै, फिल फोडेन र जुलियन अल्भारेजले समान १/१ गोलको योगदान गरे ।

योसँगै सिटी ३६ खेलबाट ८५ अंक जोडेर शीर्ष स्थानमा फर्केको छ । त्यस्तै आर्सनल ८३ अंकसहित दोस्रो र लिभरपुल ७८ अंकसहित तेस्रो स्थानमा छ ।