उत्कृष्ट बलिङसँगै नेपाललाई इतिहास रच्ने अवसर
![उत्कृष्ट बलिङसँगै नेपाललाई इतिहास रच्ने अवसर](http://nepalwatch.com/wp-content/uploads/2024/06/IMG_1008.2024-06-15-06-02-42.jpeg)
काठमाडौं । विश्वकपको आफ्नो तेस्रो खेलमा नेपालले बलियो टिम दक्षिण अफ्रिकाविरुद्ध कसिलो बलिङ गरेको छ । टस जितेर पहिला बलिङ गरेको नेपालले दक्षिण अफ्रिकालाई ११५ रनमा सिमित गर्याे । नेपालका लागि स्पिनरले उत्कृष्ट बलिङ गरे ।
पार्ट टाइम बलर कुशल भुर्तेलले चार ओभरमा चार विकेट लिएर १९ रन दिए । त्यस्तै दीपेन्द्रसिंह ऐरीले तीन विकेट लिएर । सन्दीप लामिछानले चार ओभरमा १८ रन दिए भने विकेट लिन सकेनन् । सुरुदेखि नै दबाबमा परेको दक्षिण अफ्रिकाले २० ओभरमा सात विकेट गुमाएर ११५ रन जोडेको हो । दक्षिण अफ्रिकाका लागि ओपनर रिजा हेनरिक्सले सर्वाधिक ४३ रन बनाए ।
शनिबारको खेलमा पनि नेपालले फिल्डिङमा कमजोरी देखाएको छ । दुई वटा क्याच ड्रप भए भने फिसफिल्डका कारण केही बाउन्ड्री भएका थिए ।
नेपालले हालसम्म क्रिकेटमा फूल मेम्बर देशलाई हराउन सकेको छैन । दक्षिण अफ्रिकालाई हराउन सके इतिहास रच्नुका साथै सुपर आठ मा पुग्ने सम्भावना पनि उच्च रहनेछ।
ताजा अपडेट
-
‘बीमा कम्पनीहरू परम्परागत रूपमा नभई आधुनिक समयअनुसार अघि बढ्नुपर्छ’
-
नेपाल-चीनका विश्वविद्यालयबीच सम्बन्ध विस्तारमा शैक्षिक मेला उपयोगी : नारायणकाजी श्रेष्ठ
-
कोशी प्रदेशसभा : राजस्व र व्ययको वार्षिक अनुमानमाथि छलफल
-
गोसाइँकुण्डमा गंगादशहरा स्नान गर्ने बढे
-
कैलाली भन्सार कार्यालयबाट सात अर्ब राजस्व संकलन
प्रतिक्रिया