काठमाडौं । टी–२० विश्वकप क्रिकेटमा अफगानिस्तानले अस्ट्रेलियालाई १४९ रनको लक्ष्य दिएको छ । टस हारेर पहिले ब्याटिङ गरेको अफगानिस्तानले निर्धारित २० ओभरमा ६ विकेट गुमाउँदै १४८ रन बनाएको हो ।

अफगानिस्तानका लागि गुर्बाज र जद्रानले अर्धशतक बनाए । उनीहरूले क्रमशः ६० र ५१ रन ५१ रन जोडे । करिम जन्नतले १३ रनको योगफल बनाउँदा मोहम्मद नाबीले १० रनको योगदान गरे ।

यसबाहेकका अरू ब्याटरले भने खासै रन जोड्न सकेनन् ।

अष्ट्रेलियाका प्याट कमिन्सले तीन, एडम जाम्पाले दुई तथा मार्कस स्टोनिसले एक विकेट लिए ।

अहिले ब्याटिङमा रहेको अस्ट्रेलियाले २.३ ओभरमा २ विकेट गुमाउँदै १६ रन जोडेको छ । सुरुवातमै विकेट झर्दा तथा रनरेट उच्च बनाउन नसक्दा अस्ट्रेलिया दबाबमा देखिएको छ ।