काठमाडौं । क्रोएसियाले युरोकपमा इटलीसँग बराबरी खेलेको छ । रेड बुल एरेना लाइपजिगमा गएराति सम्पन्न खेलमा क्रोएसियालाई १–१ गोलको बराबरीमा रोक्दै इटली नकआउट चरणमा प्रवेश गरेको हो ।

इटलीलाई रोक्न सकेको थियो भने क्रोएसिया नकआउट चरणमा प्रवेश गर्ने थियो । खेलमा क्रोएसियाले जित निकाल्ने अवसरसमेत पाएको थियो । तर
कप्तान लुका मोड्रिचले पेनाल्टी सदुपयोग गर्न नसकेपछि उसको युरोकपको यो सिजनको यात्रा अन्योलमा परेको छ ।

क्रोएसियाका लुकाले पेनाल्टी मिसलगत्तै ५५औं मिनेटमा गोलको खाता खोल्दै आफ्नो टिमलाई अग्रता दिलाएका थिए । तर, दोस्रो हाफको इन्जुरी समयको आठौं मिनेटमा इटलीले गोल गर्दै खेललाई बराबरीमा फर्कायो ।