काठमाडौं । टर्कीले अस्ट्रियालाई हराउँदै युरोकप २०२४ को क्वाटरफाइनल यात्रा तय गरेको छ ।

बुधबार बिहान जर्मनीको लाइप्जिगमा सम्पन्न खेलमा अस्ट्रियालाई २–१ गोलान्तरमा रोक्दै टर्कीले अन्तिम आठमा स्थान सुनिश्चित गरेको हो ।

टर्कीका लागि दुवै गोल डिफेन्डर मरिह डेमिरालले गरे । उनले खेलको पहिलो र ५९औं मिनेटमा टर्कीका लागि गोल गरेका हुन् । माइकलले ६६औं मिनेटमा गोल गर्दै अस्ट्रियालाई २–१ को अवस्थामा पु–याए पनि त्यसपछि अर्को गोल गर्न सकेन ।

योसँगै टर्की क्वाटरफाइनलमा प्रवेश गरेको छ । उसले क्वाटरफाइनलमा नेदरल्याण्ड्सको सामना गर्नेछ ।