काठमाडौं । फ्रान्समाथि पुनरागमन जित निकाल्दै स्पेनले युरोकपको फाइनल यात्रा तय गरेको छ ।

मंगलबार राति म्युनिख एरेनामा सम्पन्न सेमिफाइनल खेलमा स्पेनले फ्रान्समाथि २–१ गोलान्तरको जित निकालेको हो ।

स्पेनका लागि लामिन यामल र डानी ओल्मोले १/१ गोल गरे । यामलले २१औं र डानीले २५औं मिनेटमा गोल गरेका हुन् ।

स्पेनन युवा स्टार यामलले कम उमेरमा गोल गर्ने नयाँ कीर्तिमानसमेत बनाएका छन् । उनले १६ वर्ष ३६२ दिनका छन् ।

फ्रान्सले खेलको सुरुमै अग्रता बनाएको थियो । नवौं मिनेटमा फ्रान्सका रान्डल कोलो माउनीले गोल गरे पनि फ्रान्सले त्यसलाई कायम गर्न सकेन ।

स्पेन चौथो पटक युरो कप जित्ने लक्ष्यमा छ । उसले अब इंग्ल्याण्ड र नेदरल्याण्डमध्ये एक टिमसँग फाइनल खेल्नेछ ।