अर्जेन्टिना कोपा अमेरिकाको फाइनलमा
काठमाडौं । क्यानडामाथि जित निकाल्दै अर्जेन्टिना कोपा अमेरिकाको फाइनलमा प्रवेश गरेको छ । मेटलाइफ स्टेडियममा बुधबार बिहान सम्पन्न खेलमा क्यानडालाई २–० गोलमा हराउँदै अर्जेन्टिना फाइनल प्रवेश गरेको हो ।
कोपा अमेरिकामा गोलको खाता खोल्न नसकेका मेसीले क्यानडाविरुद्ध एक गोल गरे भने जुलियन अल्भारेजले एक गोल गरे ।
खेलको २१औं मिनेटमा अल्भारेजले रोड्रिगो डे पउलको पासमा गोल गर्दै अर्जेनटिनालाई अग्रता दिलाएकोमा मेसीले ५१औं मिनेटमा गोल गरे ।
फाइनल खेलमा अब अर्जेन्टिनाले कोलम्बिया र उरुग्वेमध्ये एकसँग प्रतिस्पर्धा गर्नेछ ।
प्रतिक्रिया