काठमार्डाैं । ग्लोबल टी–२० क्यानडामा शनिबार राती नेपाली खेलाडी आबद्ध टिमबीच प्रतिस्पर्धा हुँदैछ । रोहित पौडेल आबद्ध टोरन्टो नेशनल्स् तथा सन्दीप लामिछाने र दीपेन्द्रसिंह ऐरी आबद्ध भ्यानकुभर नाइट्सबीच प्रतिस्पर्धा हुन लागेको हो ।

नेपाली समयअनुसार राती पौने २ बजेको समयमा खेल हुँदैछ ।

प्रतिस्पर्धामा नेपाली खेलाडीहरुको मध्यम प्रदर्शन रहेको छ । सन्दीप र दीपेन्द्र आबद्ध भ्यानकुभरले हालसम्म जित हात पार्न सकेको छैन । पाँच खेलमध्ये सो टिम चार खेलमा पराजित भएको थियो एक खेल रद्द भई एक अंकसहित अंगतालिका सूचीमा अन्तिममा रहेको छ ।

त्यस्तै, रोहित आबद्ध टोरन्टो भने तेस्रो स्थानमा छ । पाँच खेलमा टोरेन्टले २ वटामा जित, २ वटामा हार र एउटा रद्द भएको थियो ।